મિત્રો આજના સમયમાં લોકો માટે સૌથી ઝડપથી વધતી સમસ્યા છે મેદસ્વીતા. મેદસ્વીતા વધતા દિનચર્યામાં ખૂબ જ સમસ્યા સહન કરવી પડે છે. શરીરનું વજન વધી જાય તો ચાલવામાં પણ તકલીફ પડે છે.
અચાનક વજનમાં વધારો એવા લોકોને થાય છે જેમની દિનચર્યા બેઠાડુ હોય. જે લોકોને વધારે વજનની ફરિયાદ હોય તેમણે કેટલીક વસ્તુઓનું ખાસ ધ્યાન રાખવું જોઈએ. જેમકે વધારે કેલેરીવાળો ખોરાક લેવો જોઈએ નહીં.
વધારે કેલેરીયુક્ત ભોજન કરવાથી વજન વધવા લાગે છે. આ સિવાય ખોરાકની કેટલીક બાબતો છે જેને ખાસ ધ્યાનમાં લેવી જોઈએ. જેમકે જેમનું પેટ ચરબીના કારણે વધતું હોય તેમણે ચિપ્સ, કુરકુરે જેવા પેકેટબંધ નાસ્તા કરવા જોઈએ નહીં. તેનાથી સ્વાસ્થ્યને નુકસાન થાય છે.
આજના સમયમાં નાના બાળકોથી લઈ મોટા લોકોને પણ પડીકા ખાવા ગમે છે પણ આ પડીકા વજન ઝડપથી વધારે છે. પડીકાવાળા ખોરાકની સાથે પેસ્ટ્રી પણ આવી જ વસ્તુ છે જે શરીરમાં એક્સ્ટ્રા ફેટ અને વજન વધારે છે. પેસ્ટ્રીમાં ખાંડ હોય છે જે કેલેરી વધારે છે અને વજન ઝડપથી વધે છે.
રેડ મીટ એવી વસ્તુ છે જે પણ ઝડપથી વજન વધારે છે. તે હાર્ટ માટે પણ હાનિકારક છે. તેનાથી શરીરમાં કોલેસ્ટ્રોલ વધે છે. તેથી જેનું વજન ઝડપથી વધે તેણે રેડ મીટ ઓછા પ્રમાણમાં લેવું જોઈએ.
આઈસક્રીમ ખાવાથી પણ ચરબી વધે છે. તેમાં કેલેરી અને ફેટ બંને વધારે હોય છે જેને ખાવાથી વજનમાં સતત વધારો થાય છે. તેથી આઈસક્રીમ જેવી દૂધમાંથી બનતી વસ્તુઓનું સેવન પણ ટાળવું જોઈએ.
ઝડપથી વજનમાં વધારો કરે તેવી વસ્તુઓમાં ચીઝ, બર્ગર અને પિત્સા પણ આવે છે. તેમાં પણ એવી વસ્તુઓ છે જે શરીરનું વજન વધારે છે. તેનાથી શરીરમાં કેલેરી વધે છે અને વજન પણ બમણી ઝડપથી વધે છે.
ઘણા લોકો જમવાની સાથે કોલ્ડડ્રીંક પીવાની ટેવ ધરાવે છે. તેનાથી શરીરમાં કેલેરી ઝડપથી વધે છે. ભોજન સાથે કોલ્ડ્રીંક લેવાથી ખોરાકનું પાચન બરાબર રીતે થતું નથી અને તેનાથી ચરબી વધે છે.
અહીં જે ખાદ્ય સામગ્રી દર્શાવવામાં આવી છે તેનું સેવન એવા લોકોએ કરવાનું ટાળવું જોઈએ જેમનું વજન ઝડપથી વધી જતું હોય છે.