ગુલકંદનો ઉપયોગ આજ સુધી તમે શરબત કે મીઠાઈ બનાવવામાં કર્યો હશે. પરંતુ આજે તમને ગુલકંદના ઉપયોગથી ચહેરો ચમકાવવાનો ઉપાય જણાવીએ.
ગુલકંદમાં બળતરા વિરોધી ગુણધર્મો હોય છે. તે ત્વચાની સમસ્યાઓને પણ દૂર કરે છે. ગુલકંદ ત્વચાને હાઇડ્રેટ કરે છે અને ત્વચાનો રંગ નિખારે છે.
તેનાથી બનતા ફેસપેક નો ઉપયોગ કરવાથી ત્વચા પરની કરચલીઓ ડાઘ અને ખીલ દૂર થાય છે. આજે તમને જણાવીએ ગુલકંદનો ઉપયોગ ફેસપેક તરીકે કેવી રીતે કરવો.
ગુલકંદમાંથી ફેસપેક બનાવવા માટે એલોવેરા જેલ લેવું અને તેમાં ગુલકંદ ઉમેરી બરાબર મિક્સ કરો. આ પેકને 15 મિનિટ માટે ચહેરા અને ગરદન પર લગાવો. ત્યાર પછી ઠંડા પાણીથી ચહેરાને ધોઈ લો.
આ પેક લગાવવાથી ત્વચાને કુદરતી ચમક મળે છે અને ત્વચાને મોસ્ચ્યુરાઈઝેશન મળે છે. તેનો ઉપયોગ કરવાથી ખીલ અને ડાઘ પણ દૂર થાય છે.
એલોવેરા ઉપરાંત કાચા દૂધમાં પણ ગુલકંદ ઉમેરીને તેનો ફેસપેક બનાવી શકાય છે.
કાચા દૂધમાં થોડો ચણાનો લોટ અને ગુલકંદ ઉમેરીને આ પેસ્ટને ચહેરા ઉપર 20 મિનિટ સુધી લગાવો. તેનાથી ત્વચા સોફ્ટ અને ચમકદાર બને છે.
એક ચમચી ગુલકંદમાં સંતરાની છાલનો પાવડર અને મધ ઉમેરીને પેસ્ટ બનાવી તેને ચહેરા ઉપર લગાડવાથી ચહેરામાં તાજગી આવે છે અને બ્લેકહેડ્સ દૂર થાય છે.