ફિશ ઓઇલ કેપ્સૂલ એ ઓમેગા 3 ફેટી એસિડનો સૌથી સારો સ્ત્રોત છે. આ ઘણા સ્વાસ્થ્ય સંબંધિત સમસ્યાથી આપણાં શરીરની રક્ષા કરે છે. હાર્ટ અને હાડકાં સંબંધિત કોઈપણ બીમારીમાં ડૉક્ટર પણ ફિશ ઓઇલની કેપ્સૂલ લેવાની સલાહ આપતા હોય છે.
પણ શું તમે જાણો છો કે સ્વાસ્થ્ય સંબંધિત તકલીફો તો આ ફિશ ઓઇલથી સારી તો રહે જ છે આ સાથે તે તમારા સોંદર્ય માટે પણ ખૂબ મદદરૂપ થાય છે. ચાલો જાણીએ કે ફિશ ઓઇલ કેપ્સૂલ લેવાથી તમને શું ફાયદા મળે છે.
એંટી એજિંગ : ફિશ ઓઇલ કેપ્સૂલ એક એંટી એજિંગ માનવામાં આવે છે તેમ EPA એંટીઓક્સિડેન્ટના ગુણ હોય છે જે ચહેરા પર વધતી ઉમરના નિશાન બહુ જલ્દી દેખાવા દેતા નથી.
આ સાથે તેમાં ઓમેગા 3 ફેટી એસિડ હોય છે જે સૂરજથી નીકળતી હાનિકારક કિરણોથી આપણી રક્ષા કરે છે. તેનાથી ઉમર વધવાની નિશાનીઓ જેવી કે કરચલી અને સ્કીન ઢીલી થઈ જવી એ ચહેરા પર દેખાતી નથી.
પોષક તત્વોથી ભરપૂર : માછલીના તેલની કેપ્સૂલમાં ઓમેગા 3 ફેટી એસિડમ વિટામિન અને બીજા તત્વોનું ભરપૂર પ્રમાણ હોય છે. આ શરીરના ખૂટતા પોષકતત્વોની કમી પૂરી કરે છે. જે મિત્રો શાકાહારી છે તેમની માટે આ બેસ્ટ ઓપ્સન છે. આના સેવનથી બીજી ઘણી બીમારીઓ સહિત ચહેરાની ડ્રાયનેસ દૂર થાય છે.
નેચરલ ગ્લો આવશે પાછો : ફિશ ઓઇલની કેપ્સ્યુલમાં હાજર ઓમેગા 3 ફેટી એસિડ ત્વચાને કુદરતી ચમક આપે છે. તેમાં હાજર એન્ટિઓક્સિડન્ટ્સ ત્વચામાં રક્ત પરિભ્રમણને સામાન્ય બનાવે છે. જેના કારણે ત્વચામાં કુદરતી ચમક આવવા લાગે છે.
વૃદ્ધત્વ સાથે, ત્વચા ઘણીવાર શુષ્ક અને નિસ્તેજ બની જાય છે. તે ત્વચાના કુદરતી તેલને જાળવી રાખે છે. જેના કારણે ત્વચા અંદરથી સ્વસ્થ બને છે.
વાળને વધારવા માટે : વાળ ખરવાની સર્વ સામાન્ય તકલીફ મોટા ભાગના લોકોને હેરાન કરતી હોય છે. વાળ ખરવાને લીધે વાળ મૂળથી ખૂબ નબળા થઈ જાય છે. તો વાળને કુદરતી મજબૂતી આપવા માટે તમે ઓમેગા 3 ફેટી એસિડનું સેવન કરી શકો છો.
વાળ માટે આ કેપ્સૂલ ખૂબ ફાયદાકારક માનવામાં આવે છે. તમને જણાવી દઈએ કે વાળ સફેદ થવાની સમસ્યા પણ બહુ ઓછી જોવા મળે છે.