આયુર્વેદ

જો આ 6 આદતો નહીં છોડો તો 30ની ઉંમરમાં પણ દેખાશો 50 જેવા.

મિત્રો ઉમર વધવી એ અવિરત પ્રક્રિયા છે. ઉમરને વધતી અટકાવી ન શકાય પરંતુ વધતી ઉંમરની જે અસર શરીર અને ત્વચા પર દેખાય છે તેને ચોક્કસથી અટકાવી શકાય છે.

આયુર્વેદમાં જણાવાયું છે કે વ્યક્તિને કેટલીક ખોટી આદતો જ તેની ઉંમર પહેલાં વૃધ્ધ બનાવે છે. આ આદતોને કારણે શરીરમાં બીમારી તો આવે જ છે પરંતુ તેની સાથે જ નાની ઉંમરમાં ત્વચા ઉપર વૃદ્ધત્વ દેખાવા લાગે છે.

આજે તમને આવી જ કેટલીક આદતો વિશે જણાવીએ જેના કારણે શરીરમાં બીમારીઓ આવે છે અને ત્વચા ઉપર વૃદ્ધત્વ દેખાવા લાગે છે. જો તમે આ આદતોને છોડી દેશો તો તમે વધતી ઉંમર પછી પણ યુવાન દેખાશો.

અકાળે જે વ્યક્તિ વૃદ્ધ દેખાવા લાગે તો સમજી લેવું કે આ સ્થિતિ તેની ખોટી આદતોને કારણે છે. જો આ આદતોને બદલી દેવામાં આવે તો યુવાનીને પણ ટકાવી શકાય છે. આવી જ આદતો વિશે આજે જણાવીએ.

ઘણા લોકોને વધારે પડતું ગળ્યું ખાવાની આદત હોય છે. નિયમિત રીતે ઘડપણ વધારે ખાવાથી શરીર બીમાર પડે છે અને ત્વચા ઉપર તેની અસર દેખાવા લાગે છે. વધારે ઘડપણ ખાવાથી સુગર લેવલ સતત વધારે રહે છે. તેના કારણે ડાયાબિટીસ થવાનું જોખમ વધી જાય છે.

કેટલાક લોકો દિવસ દરમિયાન ખૂબ જ ઓછા પ્રમાણમાં પાણી પીવે છે. ઓછું પાણી પીવું એ પણ ખરાબ આદત છે. પાણી ઓછું પીવાથી શરીર માં ઘણી બધી બીમારીઓ પણ આવે છે.

પાણી આપણા શરીરમાં ખૂબ જ મહત્વનો ભાગ ભજવે છે જો શરીરમાં પાણીનું પ્રમાણ ઓછું હોય તો ત્વચા સુકાવા લાગે છે જેના કારણે અનેક પ્રકારની સમસ્યાઓ થાય છે. તેથી દિવસ દરમિયાન પૂરતા પ્રમાણમાં પાણી પીવું જોઈએ.

મોટાભાગના લોકોની દિનચર્યા બેઠાડુ થઇ ગઇ છે. બેઠાડું જીવનશૈલીના કારણે શરીર ના અંગ જકડાઈ જાય છે. જે લોકો કોઈપણ પ્રકારની ફિઝિકલ એક્ટિવિટી કરતા નથી તેમને અનેક પ્રકારની સમસ્યાઓ થવા લાગે છે. ધીરે-ધીરે તેમની કાર્યક્ષમતા ઘટી જાય છે અને સ્નાયુ પણ નબળા પડી જાય છે.

પૂરતી ઊંઘ લેવી પણ ખૂબ જ જરૂરી છે. પરંતુ આજના સમયમાં લોકો રાત્રે મોડે સુધી ટીવી જોયા કરે છે અથવા તો મોબાઈલ ઉપર સમય પસાર કરે છે અને સવારે વહેલા જાગી જાય છે જેના કારણે ઊંઘ પૂરતી થતી નથી અને તેની અસર શરીર ઉપર દેખાવા લાગે છે. આ આદતોને કારણે વ્યક્તિ ઉંમર પહેલાં જ વૃદ્ધ દેખાવા લાગે છે.

Leave a Reply

Your email address will not be published.