મિત્રો જે પણ ખોરાક આપણે દિવસ દરમિયાન લઈએ તે પચી જાય તે ખૂબ જરૂરી છે. જો ખોરાક પચે નહીં તો આંતરડામાં મળ તરીકે જમા થવા લાગે છે. અને જો આ મળ પણ નીકળે નહીં તો આપણી તબીયત ખરાબ થાય છે અને કબજિયાત સહિતની સમસ્યાઓનો સામનો કરવો પડે છે.
આજે તમને કેટલાક ઘરેલું ઈલાજ જણાવીએ જે આંતરડાની સફાઈ કરવામાં એકદમ અકસીર છે અને તે તમને કબજિયાતથી તો બચાવશે જ સાથે કેન્સર જેવી ગંભીર સમસ્યા થવાનું જોખમ પણ ઘટાડશે. તો ચાલો જાણીએ કેવી રીતે કરી શકાય છે આંતરડાની સફાઈ.
જે લોકોનું પેટ નિયમિત સાફ ન આવે તેનું પેટ ફુલેલું દેખાય છે અને ગેસ પણ રહે છે. જો સતત કબજિયાત રહેતી હોય તો આંતરડા બરાબર સાફ થતા નથી. અને મળ કઠણ હોવાથી મળત્યાગ કરતી વખતે પણ તકલીફ થાય છે. તેવામાં આંતરડા પર દબાણ આવે છે. તેથી આંતરડાની સફાઈ કરવી જરૂરી છે.
નિષ્ણાંતોના મતે મોટા આંતરડાની સફાઈ કરવા આજકાલ તો ઘણા પ્રકારની થેરાપી ઉપયોગમાં લેવામાં આવે છે. જેમાં ક્લોન ક્લીનિંગ, કોલોન થેરેપી, હાઈડ્રો થેરાપી વગેરેનો સમાવેશ થાય છે. તેને કરવાથી આંતરડા સાફ થાય છે.
મોટા આંતરડાની સફાઈ કરવાથી થતા ફાયદા વિશએ વાત કરીએ તો સૌથી મોટો ફાયદો એ છે કે તેનાથી પાચનક્રિયા સુધરે છે. તેના કારણે શરીરમાં વ્યર્થ પદાર્થ નીકળી જાય છે.
આંતરડાની સફાઈ કરવાથી વજન ઘટાડવામાં પણ મદદ આવે છે. જો તમને રાત્રે બરાબર ઊંઘ નથી આવતી તો તેનું કારણ પણ આ સમસ્યા હોય શકે છે. તેમાં આંતરડાની સફાઈ થઈ જાય તો ઊંઘ પણ બરાબર આવે છે. તેના માટે કોલોન થેરાપી બેસ્ટ છે. આ પ્રક્રિયાથી કેન્સર થવાનું જોખમ પણ ઘટી જાય છે.
આંતરડા સાફ કરવાના ઉપાય :-
1. નિયમિત રીતે 3 લીટર પાણી પીવાનું રાખો. ખાસ કરીને રાત્રે સુતા પહેલા નવશેકું પાણી પીવું.
2. દિવસ દરમિયાન એવો ખોરાક લેવો જેમાં ફાયબર ભરપુર પ્રમાણમાં હોય.
3. હર્બલ ટી લેવાથી પણ મોટા આંતરડાની સફાઈ થાય છે.
4. પ્રોબાયોટિક્સ જેવા કે દહીં, સફરજન અને ઓમેગા-3થી ભરપુર ફુડ્સ લેવાનું રાખો.
5. એલોવેરા જ્યૂસ, સફરજનનું જ્યૂસ લેવાનું રાખો.