દોસ્તો મોટાભાગના લોકો કિસમિસ ખાવાનું પસંદ કરે છે. વળી કિશમિશ ખાવાના ફાયદાથી પણ લગભગ બધા જ લોકો વાકેફ છે પરંતુ શું તમે ક્યારેય કાળી કિશમિશનું સેવન કર્યું છે? જો ના, તો તમને જણાવી દઈએ કે કાળા કિસમિસના સેવનથી સ્વાસ્થ્યને અનેકગણો ફાયદો થાય છે.
કાળી કિસમિસનું સેવન કરવાથી સ્વાસ્થ્ય સંબંધિત ઘણી સમસ્યાઓ દૂર થાય છે. કારણ કે કાળી કિસમિસમાં પ્રોટીન, ફાઈબર, કેલ્શિયમ, સોડિયમ, પોટેશિયમ, મેગ્નેશિયમ, આયર્ન અને વિટામિન સી જેવા અનેક પોષક તત્વો મળી આવે છે.
જે સ્વાસ્થ્યની દ્રષ્ટિએ ખૂબ જ ફાયદાકારક સાબિત થાય છે. તો ચાલો આપણે જાણીએ કાળી કિશમિશના ઉપયોગો અને સ્વાસ્થ્ય લાભો શું છે.
તમને જણાવી દઈએ કે કાળી કિસમિસને આખી રાત પલાળીને બીજા દિવસે સવારે તેનું સેવન કરી શકાય છે. આ સાથે કાળી કિસમિસને દૂધમાં ઉકાળીને પી શકાય છે. વળી કાળી કિસમિસને અન્ય ડ્રાય ફ્રૂટ્સ સાથે મિક્સ કરીને ખાઈ શકાય છે.
આ સાથે કાળી કિસમિસનો ઉપયોગ કેક બનાવવા માટે પણ કરી શકાય છે અને મીઠી વાનગીઓમાં સ્વાદ વધારવા માટે પણ કાળી કિસમિસનો ઉપયોગ કરી શકાય છે. તો ચાલો આપણે જાણીએ કે કાળી કિશમિશ ના ફાયદાઓ કયા કયા છે.
શરીરમાં વધી રહેલું ખરાબ કોલેસ્ટ્રોલ અને ટ્રાઈગ્લિસરાઈડ બંને હાર્ટ એટેકનું સૌથી મોટું કારણ છે. તેથી તેને નિયંત્રિત કરવું જરૂરી છે. આ બંનેને કંટ્રોલ કરવા માટે જો તમે કાળા કિસમિસનું સેવન કરો છો તો તે ફાયદાકારક સાબિત થાય છે. કારણ કે કાળી કિશમિશમાં ફાઈબર અને પોલિફીનોલ્સ હોય છે, જે કોલેસ્ટ્રોલ અને ટ્રાઈગ્લિસરાઈડને ઘટાડવામાં મદદરૂપ સાબિત થાય છે.
કાળી કિસમિસનું સેવન હાડકાંને મજબૂત કરવામાં ખૂબ જ મદદગાર સાબિત થાય છે. કારણ કે કાળી કિસમિસમાં ભરપૂર માત્રામાં કેલ્શિયમ જોવા મળે છે અને કેલ્શિયમ હાડકાંને મજબૂત બનાવવામાં મહત્વની ભૂમિકા ભજવે છે. આ સાથે કાળી કિસમિસનું સેવન કરવાથી ઓસ્ટિયોપોરોસિસનો ખતરો પણ ઓછો થાય છે.
શરીરમાં આયર્નની ઉણપને કારણે એનિમિયાની ફરિયાદ રહે છે, પરંતુ જો તમે કાળી કિસમિસનું સેવન કરો છો તો તેનાથી એનિમિયાની ફરિયાદ દૂર થાય છે. કારણ કે કાળી કિસમિસમાં ભરપૂર માત્રામાં આયર્ન હોય છે, જે હિમોગ્લોબિનનું સ્તર વધારવામાં મદદરૂપ સાબિત થાય છે.
કાળા કિસમિસનું સેવન વાળ માટે પણ ખૂબ જ ફાયદાકારક સાબિત થાય છે. કારણ કે કાળી કિશમિશમાં આયર્ન, વિટામીન, પ્રોટીન જેવા અનેક તત્વો હાજર હોય છે, તેથી જો તમે કાળી કિશમિશનું સેવન કરો છો તો તેનાથી વાળ ખરવાની સમસ્યા ઓછી થાય છે. આ સાથે જ વાળ મજબૂત બને છે.
જે લોકોની રોગપ્રતિકારક શક્તિ નબળી હોય છે, તેઓ ઘણીવાર કોઈને કોઈ બીમારીનો શિકાર બને છે. પરંતુ જો તમે રોજ સવારે ખાલી પેટે કાળી કિસમિસનું સેવન કરો છો તો તે રોગપ્રતિકારક શક્તિને મજબૂત બનાવે છે. જેના દ્વારા તમે વાયરસ અને બેક્ટેરિયાથી બચી શકો છો.
જો કોઈને કબજિયાતની ફરિયાદ હોય તો તેણે રોજ સવારે ખાલી પેટે કાળી કિસમિસનું સેવન કરવું જોઈએ, કારણ કે કાળી કિસમિસમાં ભરપૂર માત્રામાં ફાઈબર હોય છે, જે કબજિયાતની ફરિયાદને દૂર કરવામાં મદદગાર સાબિત થાય છે.
આ સાથે જો શરીરમાં ઉર્જાનો અભાવ હોય તો કાળી કિશમિશનું સેવન ખૂબ જ ફાયદાકારક સાબિત થાય છે. કારણ કે કાળી કિસમિસ પોષક તત્વોથી ભરપૂર હોય છે, તેથી જો તમે રોજ સવારે ખાલી પેટે કાળી કિસમિસનું સેવન કરો છો, તો તે દિવસભર શરીરમાં એનર્જી બનાવી રાખે છે.
કાળી કિશમિશનું સેવન આંખો માટે ખૂબ જ ફાયદાકારક સાબિત થાય છે. કારણ કે કાળી કિસમિસમાં વિટામીન A ભરપૂર માત્રામાં જોવા મળે છે અને વિટામિન A આંખોની રોશની વધારવાની સાથે આંખોને સ્વસ્થ રાખવામાં મદદ કરે છે.