સિઝન કોઈપણ હોય સ્વસ્થ્યનું ધ્યાન રાખવું એ ખૂબ જરૂરી છે. કેમ કે ડબલ સિઝન થવાથી બીમારીઓ વધારે થાય છે, થોડી પણ બેદરકારીથી સ્વાસ્થ્યને નુકશાન થાય છે, આજે અમે તમને એક સુપર ફૂડ્સ વિષે જણાવી રહ્યા છે, આ વસ્તુને કોઈપણ સિઝન તમે ખાઈ શકો છો.
આ સુપર ફૂડ છે અળસી. અળસીના નાના-નાના બીજ મોટા મોટા ફાયદા આપે છે. તમને જણાવી દઈએ કે અળસીનો ઉપયોગ એ આજથી નહીં પણ હજારો વર્ષોથી થાય છે.
અળસીના બીજનું તેલ અને અળસી એ ખાવામાં વાપરવામાં આવે તો તેમાં રહેલ પોષકતત્વો એ સ્વાસ્થ્ય માટે ખૂબ ફાયદાકારક છે. અળસીમાં ઘણા ઔષધીય ગુણ હોય છે. અળસીમાં વિટામિન બી 1, પ્રોટીન, કોપર, મેગનીઝ, ઓમેગા-3 એસિડ, લીગનન સહિત ઘણા તત્વો હોય છે.
આ પોષકતત્વો શરીર માટે ઘણા જરૂરી હોય છે. તમને જણાવી દઈએ અળસીના સેવન થી ડાયાબિટીસની સમસ્યાને પણ કંટ્રોલ કરી શકાય છે.
1. ડાયાબિટીસના દર્દીઓની માટે પણ ખૂબ ફાયદાકારક છે. અળસીના બીજમાં ઓમેગા ફેટી એસિડ અને ફાઈબરનું પ્રમાણ ભરપૂર હોય છે જે ડાયાબિટીસને કંટ્રોલ કરવામાં મદદ કરે છે.
2. અળસીના બીજમાં ઓમેગા-3 ફેટી એસિડ હોય છે જે હાર્ટને હેલ્થી રાખવાનું કામ કરે છે. અળસીના સેવનથી હાર્ટ હેલ્થી રહે છે. અને સાથે સાથે તે ઘણી બીમારીઓથી બચવવામાં મદદ કરે છે.
3. કોલેસ્ટ્રોલને કંટ્રોલ કરવા માટે અળસીના બીજનું સેવન કરવું ખૂબ ફાયદાકારક માનવામાં આવે છે. અળસીમાં ઓમેગા એસિડ હોય છે જે કોલેસ્ટ્રોલને નિયંત્રિત કરવામાં મદદ કરે છે.
4. અળસીના બીજ પાચન માટે ખૂબ સારા માનવામાં આવે છે. અળસીમાં યોગ્ય પ્રમાણમાં ફાઈબર હોય છે જે પાચનશક્તિ મજબૂત બનાવે છે. આમ જો તમને કબજિયાત રહે છે તો તમે અળસીનું સેવન કરી શકો છો.
5. અળસીમાં રહેલ એંટી ઓક્સિડેન્ટ અને ફાઇટોકેમિકલ્સ, વધતી ઉમરના લક્ષણોને ઓછા કરે છે જેનાથી ત્વચા પર થવાવાળી કરચલીઓ ઓછી કરી શકાય છે.
6. વજન ઘટાડવા માટે અળસી ખૂબ ફાયદાકારક માનવામાં આવે છે. આ બીજ ખાવાથી વજન કંટ્રોલમાં રહે છે અને આ સિવાય બ્લડમાં રહેલ શુગર લેવલને મેન્ટેન કરવાનું કામ પણ કરી શકાય છે.
7. માનવામાં આવે છે કે મહિલાઑ અળસીના બીજનું સેવન કરે છે તો તેને પિરિયડમાં કોઈપણ મુશ્કેલી થતી નથી, આ બીજનું સેવન કરવાથી હાર્મોન સંતુલિત કરી શકાય છે.
8. દાંતના દુખાવાની સમસ્યાથી તમે પીડાવ છો તો તમારા માટે અળસીનો ઉપયોગ એ ખૂબ ફાયદાકારક રહેશે. તેમાં દુખાવો દૂર કરવા અને સોજો ઓછો કરવા માટેના તત્વો હોય છે. અળસીના તેલથી પેઢામાં થતો સોજો અને દુખાવો ઓછો થાય છે.