દોસ્તો થાઈરોઈડ એક એવો રોગ છે, જે કફ, પિત્ત અને વાત દોષને કારણે થાય છે. થાઈરોઈડ જેવી સમસ્યામાં દર્દીના હૃદય, કોલેસ્ટ્રોલ, સ્નાયુઓ અને હાડકાંનું સ્વાસ્થ્ય ખરાબ રીતે પ્રભાવિત થાય છે. વળી થાઈરોઈડની સમસ્યા મુખ્યત્વે શરીરમાં આયોડીનની ઉણપને કારણે પણ ઊભી થાય છે.
થાઇરોઇડ એ ગરદનના નીચેના ભાગમાં એક નાની બટરફ્લાય આકારની ગ્રંથિ છે, જે શરીરના ચયાપચયને નિયંત્રિત કરે છે. જોકે થાઈરોઈડ વધવાને કારણે શરીરમાં દુખાવો, નબળાઈ, અનિયંત્રિત ધબકારા, વાળ ખરવા અને ઝડપથી વજન ઘટવા જેવી સમસ્યાઓ સર્જાય છે, પરંતુ શું તમે જાણો છો કે એલોવેરાના ઉપયોગથી થાઈરોઈડ જેવી સમસ્યાઓથી બચી શકાય છે.
એલોવેરા ઔષધીય ગુણોથી ભરપૂર હોય છે, જેનાથી ઘણા સ્વાસ્થ્ય લાભો તો છે જ પરંતુ તે થાઈરોઈડની બીમારીને દૂર કરવા માટે પણ ખૂબ જ ઉપયોગી માનવામાં આવે છે. થાઈરોઈડની બીમારીથી પીડિત લોકોને એલોવેરા જ્યુસ પીવાથી ઘણો ફાયદો થાય છે.
આ માટે અડધી ચમચી એલોવેરાના રસમાં 2 ચમચી તુલસી મિક્સ કરીને સવારે ખાલી પેટ તેનું સેવન કરવાથી થાઈરોઈડની સમસ્યાથી છુટકારો મળે છે. એક રિસર્ચ અનુસાર, દરરોજ 50 મિલી એલોવેરા જ્યુસનું સેવન કરવાથી થાઈરોઈડની સમસ્યાને ઓછી કરવામાં ઘણી મદદ મળે છે.
શરીરમાં આયોડીનની માત્રા ઓછી કે વધુ હોવાને કારણે થાઈરોઈડ ગ્રંથિ ખરાબ રીતે પ્રભાવિત થઈ શકે છે, જેના કારણે થાઈરોઈડની સમસ્યા થઈ શકે છે. વળી ગર્ભાવસ્થા દરમિયાન સ્ત્રીઓમાં થાઇરોઇડ હોર્મોન્સ અસંતુલિત બની શકે છે, જે થાઇરોઇડ રોગનું જોખમ વધારે છે.
આ સાથે વધુ તેલયુક્ત ખોરાક લેવાથી શરીરમાં થાઈરોઈડ રોગનું જોખમ વધી શકે છે. જો પરિવારના કોઈપણ સભ્યને થાઈરોઈડની સમસ્યા હોય તો આ સમસ્યા અન્ય સભ્યોને પણ થઈ શકે છે. થાઇરોઇડ રોગ આનુવંશિક છે જેના કારણે તે એક સભ્યથી બીજા સભ્યમાં ફેલાય છે.
વળી જે લોકો લાંબા સમયથી સ્ટ્રેસથી પીડિત છે તેમને થાઇરોઇડની સમસ્યામાંથી પસાર થવું પડી શકે છે કારણ કે તે થાઇરોઇડ હોર્મોનની પ્રવૃત્તિને અસર કરી શકે છે.