દોસ્તો સામાન્ય રીતે આપણા શરીરમાં તણાવ અને ચિંતામાં વધારો થાય છે ત્યારે ઘણા પોષક તત્વો નાશ પામે છે અને આપણે ઘણી બીમારીઓનો સામનો કરતા હોઈએ છીએ. જોકે આવામાં તમે કેટલીક વસ્તુઓને ભોજનમાં શામેલ કરીને તણાવ અને ચિંતાથી છુટકારો મેળવી શકો છો. આવી સ્થિતિમાં ચાલો આપણે આ બધી વસ્તુઓ વિશે જાણીએ, જે તણાવ દૂર કરવાનું કામ કરે છે.
શક્કરિયા :- શક્કરિયામાં ભરપૂર માત્રામાં પોષક તત્વો હોય છે જે તણાવને ઘટાડવામાં ખૂબ મદદરૂપ થાય છે. શક્કરીયા એ એક એવો ખોરાક છે જેમાં ઘણા પોષક તત્વો હોય છે, જે તણાવને દૂર કરવા માટે ખૂબ જ મહત્વપૂર્ણ છે.
ઈંડા :- ઈંડાને તેમના પોષક તત્ત્વોના કારણે ઘણીવાર મલ્ટીવિટામીન તરીકે ઓળખવામાં આવે છે. ઇંડામાં વિટામિન્સ, મિનરલ્સ, એમિનો એસિડ અને એન્ટીઑકિસડન્ટ જેવા આવશ્યક પોષક તત્વો હોય છે, જે શરીરમાં તણાવના સ્તરને સંતુલિત કરવા માટે ખૂબ જ જરૂરી છે.
માછલી :- એકદમ ફેટ ધરાવતી માછલીઓ ઓમેગા-3 ચરબી અને વિટામિન ડીથી ભરપૂર હોય છે, જે તણાવના સ્તરને ઘટાડવામાં અને મૂડને સુધારવામાં મદદ કરે છે. વળી ઓમેગા-3 માત્ર મગજ અને મૂડ માટે જ જરૂરી નથી, પરંતુ તે આપણા શરીરને તણાવનો સામનો કરવામાં પણ મદદ કરે છે. આ સાથે માનસિક સ્વાસ્થ્ય અને તણાવના નિયમનમાં મહત્વપૂર્ણ ભૂમિકા ભજવે છે.
લસણ :- લસણમાં સલ્ફરના સંયોજનો હોય છે જે શરીરમાં ગ્લુટાથિઓનનું સ્તર વધારવામાં મદદ કરે છે. આ એન્ટિઓક્સિડન્ટ્સ આપણા શરીરને તાણ દૂર કરવાનું કામ કરે છે. એક અભ્યાસ અનુસાર, લસણ તણાવનો સામનો કરવામાં અને ચિંતા અને ડિપ્રેશનના લક્ષણોને ઘટાડવામાં મદદ કરે છે.
સૂર્યમુખીના બીજ :- સૂર્યમુખીના બીજ વિટામિન ઇનો સમૃદ્ધ સ્ત્રોત છે. આ ચરબી-દ્રાવ્ય વિટામિન એક શક્તિશાળી એન્ટીઑકિસડન્ટ તરીકે કાર્ય કરે છે, જે આપણા માનસિક સ્વાસ્થ્ય માટે જરૂરી છે.
બ્રોકોલી :- બ્રોકોલી જેવી શાકભાજી તેના સ્વાસ્થ્ય લાભ માટે પ્રખ્યાત છે. તેમાં રહેલા મિનરલ્સ આપણને કેન્સર, હ્રદય રોગ અને માનસિક તણાવ સંબંધિત સમસ્યાઓના જોખમથી દૂર રાખે છે. વળી બ્રોકોલીમાં મેગ્નેશિયમ, વિટામિન સી અને ફોલેટ જેવા તત્વો મળી આવે છે જે તણાવ સામે લડવામાં સક્ષમ છે.
ચણા :- ચણા તણાવ સામે લડતા વિટામિન્સ અને અન્ય ખનિજોથી ભરપૂર હોય છે. તેમાં મેગ્નેશિયમ, પોટેશિયમ, બી વિટામિન્સ, સેલેનિયમ, જસત અને કોપર જેવા ખનિજો હોય છે, જે આપણા શરીરમાં મૂડ-રેગ્યુલેટિંગ ન્યુરોટ્રાન્સમીટર બનાવવા માટે કાર્ય કરે છે. એક સંશોધનમાં જાણવા મળ્યું છે કે ચણામાં પ્રોટીનયુક્ત આહાર આપણા મગજના સારા સ્વાસ્થ્યને પ્રોત્સાહન આપીને તણાવ ઘટાડવામાં મદદ કરે છે.
જો તમે આવી જ અવનવી સ્વાસ્થ્યવર્ધક માહિતી દરરોજ જાણવા માગતા હોય તો નીચે આપેલું લાઈક બટન દબાવીને આ પેજને લાઈક કરી દો અને હજુ સુધી આ માહિતી તમારા મિત્રોને શેર ના કરી હોય તો હમણાં જ શેર કરી દો.